XX. mendeko Euskararen Corpus estatistikoa
Testuingurua
: (...) bere figuran heriotza bera zeraman.
Eri nintzen nere haundikeria baitan: hogei ta lau orduz alkarri entzun eta so egin ondoren, garbi ikusi nuen ez genduela ezer komunzki.
Anai bixkiren antza genduen, heriotza berdinara alkarrekin ginjoaztelako.
Ezertan erreparatu gabe, Tom-ek eskua hartu zidan: - Pablo, nere buruari galdatzen zioat... galde egiten... gizona desegiten denentz.
Eskua librotu ondoren, nik: - Nazkagarri hori, begira hakiok hire ankarteari.
Anka artean potzu bat zeukan egina, eta prakatatik tanto batzuk zeriola zegoen.
- Zer duk hau? zertan ari nauk? esan zuen lotsaturik.
- Pixa egin duk praketara, esan nion.
- Ez duk egia, nik ez diat horlakorik egiten, ez diat fitsik somatzen.